Universitätsbibliothek Marburg Ms. or. 41: [Mahmud Han bin Mustafa el-muzaffer dâimâ, Erlass]

Transkription nach Islam Ansiklopedisi von den Experten des Osmanischen-Archivs: “Efrenc” “Mahmud Han bin Mustafa el-muzaffer dâimâ” “Akzâ kuzâtü’l-müslimîn evlâ vülâtü’l-muvahhidîn ma‘denü’l-fazli ve’l-yakîn râfi‘-i i‘lâmü’ş-şerî‘ati ve’d-dîn vâris-i ulûmü’l-enbiyâ’i ve’l-mürselîn el-muhtas bi mezîdi inâyeti’l-meliki’l-Mu‘în: Mevlânâ İzmir kadısı zîdet fezâilihi. Tevkī‘-i refî‘-i hümâyûn vâsıl olıcak ma‘lûm ola ki: tüccar taifesinden dârende-i fermân-ı hümayun Messineli Nikola nâm zımmî südde-i saâdetime arzuhâl edip; Malta keferesinin yedinde esir olan Ali nâm kimesneyi iki yüz altmış iki kuruş bahâ ile bin yüz kırk senesinde halâs ve İzmir kazâsına tâbi Menemenli Dede karyesinde sâkin akrabasından Ali nâm kimesne meblağ-ı merkûme kefil bi’l-mâl ve mezbûru bunun yedinden alub hâlâ kefâletine binâen meblağ-ı mezbûru taleb eyledikde virmekde teallül üzere olduğun bildirüb şer’ ile görülüb alı virilüb ihkâk-ı hak olunmak bâbında hükm-i hümâyunum recâ itmeğin buyurdum ki: Hükm-i şerifimle vardukda ihzâr-ı husemâ kılub mukaddemâ bir defa şer’ile görülüb fasl olunmayan hususların tamâmı hak ve adl üzre mukayyed olub göresin. I´lâm olunduğu üzre ise ol bâbda muktezâ-yı şer’-i kavîmle amel idüb dahi ba’de’-s-sübût meblağ-ı mezbûru kefîl bi’l-mâl olan mezkûrdan hükm edib alıvirüb, min ba’d: şer’-i şerîfe ve emr-i hümâyunuma mugâyir kimesneye iş etdirmeyüb husus-ı mezbûr içün bir dahi emr-i şerîfim varmalu eylemeyesin. Şöyle bilesin: alâmet-i şerîfe i’timâd kılasın, tahrîran fî evâil-i şehr-i zi’l-ka’de sene selâse ve erbain ve mi’e ve elf. Be-makâm-ı Kostantiniye el-mahrûse”